Опубликовано: 14.02.2022

Дьокуускайдааҕы тыа хаһаайыстыбатын техникумун бастакы кууруска үөрнэр студеннарыгар бөлөхтөрүн кураторадара  Төрөөбүт тыл уонна сурук-бичик күнүгэр аналлаах бэсиэдэлэри тэрийдилэр.

Ол курдук, 1 Охот-9 бөлөх куратора Ирина Григорьевна Семенова саха литературатын биир чаҕылхай классик суруйааччытын С.С. Яковлев – Эрилик Эристиин уустук дьылҕатын, кини тутаах айымньыларын ырыттылар. Эрилик Эристиин художественнай айымньылара, омос көрдөххө, аныгы олохтон тэйиччи, урукку уоттаах революция тыынынан толорулар. Ол эрэн, кини хас биирдии айымньыта аҥардас кылаассабай охсуһуу эрэ тиэмэтинэн муҥурдаммат – манна киһи киһилии быһыыта, суобаһа, эр киһилии биир тыллаах, көнө сүрүннээх буолуу, доҕордоһуу үрдүк үөрүүтэ, бэйэ идеятын туруулаһыы курдук күүстээх, хайа даҕаны кэмҥэсуураллыбат иитэр суолталаахтар.

Ол туһунан бастакы кууруска үөрэнэр,кэлин булт эйгэтинтутаах үлэһиттэрэ буолар эдэр дьону кытта опыттаах, киэҥ билиилээх куратор Ирина Григорьевна сэһэргэстэ.

Икки куратор Анна Васильевна Сергеева Анна Васильевна уонна Елена Ефимовна Неустровева бэсиэдэлэрэ төрөөбүт тылга сүгүрүйүү, төрөөбүт тылы таптаан сайыннарыы, аныгы  дьалхааннаах олоххо сүтэрбэккэ сүдү баайбыт быһыытынан билинэн, харыстаан үйэтитэр туһунан 1 ТПСП  уонна 1 Зем студеннарыгар буола.

Тыл өлөрө, сүтэрэ – сир үрдүгэр саамай улахан трагедия. Ити аата бу күн сирин кустук өҥүнэн оонньото тылынан алгыс, таптал кэрэ, ытыктабыл үрдүк тыллара аны хаһан даҕаны дуораһыйбаттар… Оннук буолбатын туһугар “Таптыыр сахам тылынан” диэн бэсиэдэҕэ куратордар санааларын сайгыччы этэннэр,эдэр ыччаты тылы харыстыырга ыҥырдылар.

Оттон 1 Зоот куратора, киэҥбилиилээх, намыын дууһалаах Татьяна Иннокентьевна Ушницкая ити санаалары өссө хаҥатан, хасбиирдиибитигэр төрөөбүт тыл – норуот сайдар кэскилэ диэн быһаарда. Наука чинчийиитинэн, хайа баҕарар киһи төрөөбүт тылынан үчүгэйдик саҥарар, суруйар, толкуйдуур буоллаҕына, мэйиитин сайдыытын таһыма быдан үрдүк кэрдиистээх диэн быһаарбыт. Оттон обществоҕа, билигин төһө даҕаны сайыы үрдүк таһымыгар таҕыстыбыт, онон төрөөбүт тыл суолтата сүттэ диэтэллэр, төрөөбүт тылын билбэт киһини хайа даҕаны обществоҕа ытыктаабаттар, ахсарбаттар. Эдэр дьон бу чахчыны билиэх тустаахтар.

Ити курдук, бастакы курс бөлөҕүн студеннарыгар куратордара Ирина Григорьевна Семенова, Анна Васильевна Сергеева, Елена Ефимовна Неустровева, Татьяна Иннокентьевна Ушницкая олох мындыр үөрэҕин тириэртилэр. Махтанабыт, ытыктыыр куратордарбытыгар!

“Дьокуускайдааҕы тыа хаһаайыстыбатын техникума” орто анал үөрэх кыhатын пресс-сулууспата