Опубликовано: 14.02.2022

Тимир уонна тыл. Икки ураты эйгэ. Ол да буоллар, тыл тимири бөҕөргөтөр да, сымсатар да күүстээх. Онон төрөөбүт тыл уонна сурук-бичик бырааһынньыгар техникумҥа идэлэрин баһылаан кэлин тимири кытта үлэлиир уолаттар эмсэхтээн, бүөбэйдээн иитэн таһаарбыт төрөөбүт тылларыгар анаммыт кураторскай чааһы көтүппэтилэр.

“Эксплуатация и ремонт с/х техники и оборудования” идэлээх 1 уонна 3 куурустарыгар үөрэнэр студеннарга куратордара Евгения Евгеньевна уонна Георгий Георгиевич Устиновтар уолаттарга төрөөбүт тыл кэрэтин, кыаҕын, күүһүн туһунан кэпсээтилэр.

-Төрөөбүт тылга,сурукка-бичиккэ анаммыт нэдиэлэҕэ биһиги техникуммутугар араас тэрээһин буолан ааста. Наһаа интэриэһинэй викториналар, олимпиада буолан ааспыта, эссе суруйан холоннубут, хоһоон ааҕытын күрэхтэрэ тэриллибиттэрэ.

Биһиги салайар бөлөхтөрбүтүгэр Интернет нөҥүө эмиэ кураторскай частаатыбыт, хомойуох иһин, сорох студеннар Интернеттара мөлтөх буолан кыайан киирбэтилэр. Оттон кыттыбыт уолаттар бары тэрээһини астыннылар, көхтөөхтүк кытыннылар. Төһө даҕаны ыраах-ыраах олорон кытыннарбыт, студент олоҕунан тыынабыт, сэргэхсийэбит.

Төрөөбүт тылаг аналлаах нэдиэлэни тэрийбит ытыктыыр преподавателлэрбитигэр, библиотека үлэһиттэригэр уонна техникум иитэр үлэҕэ отделыгар дириҥник махтанабыт, — дииллэр кураторадар Евгения Евгеньевна,Георгий Георгиевич.

Кураторскай чааска уопсайа 21 студент киирэн санааларын атастастылар, ирэ-хоро утары көрсөн олорон кэпсэттилэр.

“Дьокуускайдааҕы тыа хаһаайыстыбатын техникума” орто анал үөрэх кыһатын пресс-сулууспата