Опубликовано: 14.02.2022

Баара-суоҕа 28 сыл орто дойдуга олорон ааспыт эдэркээн буойун-суруйааччы Тимофей Егорович Сметанин саха литературатын аатырдыбыт, сүдү байыппыт айымньылары суруйан хаалларбыта. Аныгы дьон быһыытынан, техникум студеннара Сметанин айымньытынан туруоруллубут “Рядовой Чээрин” диэн киинэни көрбүт буолуохтаахтар. Бу киинэ 2020 сыллаахха улахан экраҥҥа тахсыбыта. Киинэ Т.Е. Сметанин “Егор Чээрин” диэн кэпсээнигэролоҕуран уһуллубута. Былырыын, 2021 сыл түмүгүнэн, бүттүүн Россияҕа сэрии туһунан кырдьыктаахтык уһуллубут үтүө айымньы диэн киинэ көрөөччүлэр улахан биһирэбиллэрин ылбытын туһунан дойду киинэҕэ кириитиктэрэ суруйбуттара. Онон Тимофей Егорович суруйан хаалларбыт айымньытаXXI үйэ дьонун сүрэхтэрин кылын таарыйан, чахчы тыыннаах, таһымнаах үлэ буоларын туоһулуур.

Буойун-суруйааччы Тимофей Егорович Сметанин олоҕун, кини айымньыларын ырытан Төрөөбүт тыл,сурук-бичик күнүгэр 2 уонна 3 Агро бөлөхтөр студеннара кэпсэттилэр. Кураторскай чааһы педагог Римма Андреевна Сметанина тэрийэн ыытта. Барыта 26 студент, кэлин саамай эйэлээх идэлээх специалист буолар – агрономнар, сир үлэһиттэрэ, бэйэлэриттэн арыый даҕаны аҕа саастаах саха норуотун чулуу уолун туһунан долгуйан ахтан-санаан аастылар…

“Дьокуускайдааҕы тыа хаһаайыстыбатын техникума” орто анал үөрэх кыһатын пресс-сулууспата