Опубликовано: 12.02.2021

Бүгүн Төрөөбүт тыл, сурук-бичик декадатын тиһэх мероприятиелара буоллулар.

Ол курдук, «Иитиллибит ийэ тылым» эссе, өйтөн суруйуу күрэҕэ бээтинсэҕэ, олунньу 12 күнүгэр түмүктэннэ. Өйтөн суруйууга 17 студент кыттынна. Бары кыттыылаахтар төрөөбүт тыл – саха тылын туһунан истиҥ-иһирэх тылларынан бэйэлэрин санааларын тириэртилэр, аһаҕастык сыдьаайа кэпсээтилэр.

1 миэстэлээх кыайыылааҕынан Петрова Туяра (2 зио 11) таҕыста.

Иккискэ Афанасьев Петр (3 агро), Васильева Дария (1 тех) буоллулар.

Үһүскэ Колодезникова Аэлита (2 тпсп) , Лаврова Виктория (3 вет), Степанов Платон (2 ТПСП), Черноградскай Виталий (1 лес) бука бары биир тэҥник айан, суруйан таҕыстылар.

Бу миэстэлэспит оҕолор бааллара тэҥнэстэ уонна сорохтор эбии бэйэлэрин айбыт хоһооннорун ыыппыттарыттан ордук үөрдүбүт, астынныбыт. Онон биирдии миэстэҕэ хастыы да оҕо тахсыбыта сиэрдээх дии саныыбыт.

“Бары кыттыбыт студеннарга уонна куратордарга актыыбынай кыттыыгыт, тэрээһиҥҥит иһин махтал”, — диэн кэпсиир Надежда Николаевна Громова.

Преподаватель Декада түмүгүн таһаарыыга өссө биир үтүө сураҕын үллэһиннэ.

Ол курдук, Декада былаанын быһыытынан үөрэх группаларыгар төрөөбүт тыл, сурук – бичик күнүгэр аналлаах кураторскай чаастар буоллулар.

Үгүс группаларга бэртээхэй кураторскай чаастары ппыттыран туһунан студеннар да, преподавателлэр да астына ахталлар.

Куратор Попова С.Н. сахалыы остуоруйалар, өс хоһоонноро диэн темаҕа кураторскай чааһы 1 охот. группаҕа ыытта.

Куратор Сметанина Р.А. “Саха суруйааччыларын төһө билэҕин?” диэн ыйытыктаах 1 агро студеннарын кытта кэпсэттилэр.

Куратор Готовцева М.С. 2 лес. группа студеннарын кытары саха суругун-бичигин төрүттээччибит  С.А. Новгородовка аналлаах кэпсэтиини тэрийдэ.

Куратор Слепцов Н.Е. (3 эсх) уонна куратор Н.А. Винокурова (2 ПСО) “Төрөөбүт тыл, сурук- бичик. Саха суруйааччылара” диэн хайысхаҕа ирэ-хоро кэпсэппиттэр.

“Аан дойду тэлэллэр аана – төрөөбүт тыл” диэн алыптаах бэсиэдэни куратордар Е.Е. Тотонова (2 ЭСХ), А.Г. Слепцова (3 тех), куратор Е.Д. Попова (1 ТПСП) тэрийэн ыыттылар.

Оттон куратор Д.П. Федоров 2 зем-9 группа студеннарын кытта “Техническэй тыллары  sakhatyla.ru сайт көмөтүнэн тылбаастыырга холонуу” диэн бэрт сэргэх, аныгы көрүүлээх кураторскай чааһын бары даҕаны сэҥээрдибит.

Декадаҕа кыттыбыт, студеннарын төрөөбүт тылы таптыырга уһуйбут куратордарга улахан махтал.

Бука барыгытын олунньу 13 күнүгэр бэлиэтэнэр Төрөөбүт тыл уонна сурук-бичик күнүнэн истиҥник эҕэрдэлиибит!

 

Дьокуускайдааҕы тыа хаһаайыстыбатын техникумун пресс-сулууспата