Опубликовано: 08.02.2021

Дьокуускайдааҕы тыа хаһаайыстыбатын техникумугар төрөөбүт тыл уонна сурук-бичик декадата ыытыллар.

Декада кэмигэр ыытыллар араас киһини сэҥээрдэр, сэргэхситэр тэрээһиннэр ыытыллаллар. Төрөөбүт тыл уонна сурук-бичик күнүн тэрээһиннэригэр студеннар куруутун күрүөмнээхтик кытталлара. Билигин, төһө даҕаны үөрэхтээһин таһыттан тэйиччи ыытылла турдар, студеннар сөбүлүүр тэрээһиннэригэр хамаҕатык кытталлар.

Олунньу 5 күнүгэр техникумҥа “Төрөөбүт төрүт тылым – таптыыр сахам тыла барахсан” диэн онлайн-викторина ыытыллыбыта. Викторинаҕа 30 студент кытынна, сорохтор техническэй биричиинэнэн (Интернет мөлтөҕүттэн) хойутаан, кыайан киирбэккэлэр хомойдулар.

Викторина олус көхтөөхтүк барда. Студеннар төрөөбүт тылларын-өстөрүн үчүгэйдик билэллэрин, таптыылларын көрдөрдүлэр.

Бу студеннар төрөөбүт тылларын, литэрэтиирэни чаҕылхай билиилээхтэр, кыайыылаахтарынан таҕыстылар:

1 миэстэ

Черноградскай Виталий, 1 лес,

Тимофеева Венера, 2 тпсп,

Слепцова Саргылана -1 зем 9.

Үһүөн тэбис-тэҥ бааллаахтар, онон үс кыайыылаах аата ааттанар.

2 миэстэ

Адамова Күннэй, 1 тех,

3 миэстэ

Иванова Моника, 2 тех.,

Борисов Виктор, 1 охот.,

Михайлов Арсений, 1 охот.

Саха тылын уонна литературатын преподавателэ Надежда Николаевна Громова викторинаҕа кыттыбыт  студеннарга уонна бары куратордарга истиҥник махтанар, салгыы декада былаанынан группанан көхтөөхтүк кыттан иһэргитигэр ыҥырар.

«Мин күүстээхпин Ийэ тылбынан,

Аалы көтөҕөр алгыспынан,

Өбүгэлэртэн силис тардынан,

Тыыннаах кэлбит үгэспинэн”.

Баһылай Босяк.

Дьокуускайдааҕы тыа хаһаайыстыбатын техникумун пресс-сулууспата