Опубликовано: 11.02.2022

Төрөөбүт тыл уонна сурук-бичик күнүгэр аналлаах Саха тылын нэдиэлэтин чэрчитинэн бүгүн Дьокуускайдааҕы тыа хаһаайыстыбатын техникумугар “Ааҕыы – билии түннүгэ”  диэн ааттаах онлайн-олимпиада буолан ааста. Олимпиаданы саха тылын уонна литературатын преподавателэ Надежда Николаевна иилээн-саҕалаан ыытта. Бу олимпиадаҕа 20 студент кытынна.

Надежда Николаевна олимпиада ыйытыктарыгар саха литературатын классикатыттан, аныгы да суруйуулартан эдэр ыччат болҕомтотун тардар аналыйытыылары бэлэмнээбит. Бу ыйытыыларга толору уонна сөптөөх хоруйу кинигэни таптаан ааҕар киһи иҥнигэһэ суох биэриэн сөп диэн преподаватель сэрэппитэ. Студеннар көхтөөх эппиэттэрин иһиттэххэ аныгы ыччат кинигэни ааҕарын бэлиэтиэххэ сөп.

Олимпиада түмүгүнэн киэҥ билиилээх, литератураны ааҕар студеннар бастаатылар. Ол курдук,

1 миэстэҕэ — Владислав Седалищев (1 лес. бөлөх),

2 миэстэҕэ – Алексей Егоров (1 ПСО бөлөх),

3 миэстэҕэ – Вячеслав Эверстов (1 зем-11 бөлөх) буоллулар.

Надежда Николаевна олимпиадаҕа кыттыбыт студеннарга, куратордарга махталын биллэрбит уонна маннык тэрээһиннэргэ бары инникитин да актыыбынайдык кытталларыгар ыҥырбыт.

Олимпиадаттан уонна архыып хаартыската киирдилэр.

“Дьокуускайдааҕы тыа хаһаайыстыбатын техникума” орто анал идэҕэ үөрэх кыһата