Опубликовано: 02.04.2024

Бүгүн муус устар 2 күнэ. Дьиҥнээх сааскы ый саҕаланна. Элбэх төрүөх төрүүр, үрүҥ ас дэлэйэр кэмэ.

09.04. Тураах көхтөөхтүк кэлиитэ саҕаланар.

15.04 күнүттэн саҕалаан эһэ арҕаҕыттан, моҕотой хороонуттан тахсаллар.

23.04. кэнниттэн көтөр кынаттаах үксэ кэлэр.

Биология билимин дуоктара, профессор Гавриил Угаров – Эһээ Дьыл сылыктыырынан быйыл муус устар күннээх күнэ кэмчи, үксүгэр былыттаах, самыыр былаастаах хаар түһэр ыйа. Онон хаар аллараттан ууллуо5а. Харалдьык хойутаан тахсыаҕа. Уулаах саас буолар туруктаах.

7.04. кэниттэн нэдиэлэ кэриҥэ ириэриэ. Онтон 20.04 кэнниттэн ыам ыйыгар диэри ириэриэ. Атын күннэргэ температура -5 С иһинэн-таһынан буолуо.

7.04. Чыычаах уйа туттубат күнэ. Бу күнү Благовещение диэн бэлиэтииллэр. Онон бу күн тугу да үлэлэммэт.

18.04. Киристиэп — дьон бары сыллаһар күнэ.

Күндү доҕоттор! Сааскы кэм кэллэ. Бука бары чэгиэн туруктаах, баай байылыат олохтоох, дьоллоох-соргулаах дьон бэрдэ буолуоҕуҥ!