Опубликовано: 02.12.2020

Сэтинньи ый – Байанай ыйа. Бу ый бэлиэтэ – ох. Ый суолтата – дэлэй астаах, хаһаастаах диэн, кыһын кэлиитэ дьон идэһэлэнэллэр, бултууллар, балыктыыллар.

Сэтинньи – кыһыҥҥы ый.

Сэтинньигэ саас хайдах буолуон – эрдэлиэн дуу, хойутуон дуу быһаараллар.

Сэтинньигэ тибиитэ элбээтэҕинэ – өй дьылы кэтэһэллэр.

Сэтинньи ый – Байанай ыйа. Бу ыйна ас, уруу, булчут эйгэлэрэ сөп түбэсиһэллэр.

Байанай – ойуур, ойуур кыылын-сүөлүн тойоно. Кини көтөрү-сүүрэри бса билэр, аһатар, көрөр-харайар, булчут үгэһин иҥэринэ сылдьар хара тыа иччитэ. Байанайы ытыктыыр киһи үчүгэй булчут буолар.

Сэтинньигэ булт сиэрин-туомун, үгэһин, булт араас көрүҥнэрин үөрэтэллэр.

Бүгүн турдум айаҥҥа

Аар тайҕалыын алтыһа

Өбүгэбит үгэһинэн

Бултаан була, ас тарда

Кулуһуммун күөдьүтэммин

Сөһүргэстээн туруоҕум

Хатан Тимиэрийэҕэ айах тутан

Баай Байанайбын күндүлүөм.

Суорум үөһээ халыктаан

Бултуйарбын түстээтин

Байанайым өлүүлээн,

Ууран биэрдин, тосхойдун!

Байанайга аналлаах викторинаны Татьяна Николаевна Ильина, техникум бибилэтиэкэрэ, преподаватель тэрийбитэ. Сэтинньи ыйыгар, Баай Байанайга сыһыаннаах сэргэх, дириҥник толкуйдатар, булт, норуот үгэһин билэри ирдиир викторина буолан ааста.

Викторинаҕа элбэх киһи кытынна. Түмүгэ бэҕэһээ, тохсунньу саҥатыгар таҕыста.

“Байанай” викторина кыайыылааҕынан Анна Васильевна Сергеева, АТО лаборана буолан таҕыста, үтүө үгэстэри чопчу билэринэн сөхтөрдө. Кыайыылаахха истиҥ махтал!

Бочуоттаах бириистээх иккис-үһүс миэстэҕэ таҕыстылар Екатерина Дмитриевна Попова, АТО преподавателэ, Степан Ильич Павлов, хаһаайыстыбаннай сэбиэдиссэйэ таҕыстылар.

Студеннар ортолоругар Петр Слепцов, 1 Лес кыайыылаҕынан таҕыста. Эҕэрдээ, сорсуннаах студеҥҥа, Байанайдаах уолаҥҥа!

Татьяна Николаевнаҕа истиҥник махтанабыт – аны да маннык сэргэх викториналары тэрийэн өркөн өйү өрүкүтэ, дириҥ билиини байыта тураар!

(Сонуну саха талааннаах худуоһунньуга Иннокентий Корякин уруһуйа киэргэттэ. Саха Өрөспүүбүлүкэтин Национальнай художественнай музейыгар бу дьыл ахсынньы 4 күнүттэн Иннокентий Корякин хартыыналарын быыстапката аһыллар. Тиийэн дуоһуйа көрөөрүҥ!)

Дьокуускайдааҕы тыа хаһаайыстыбатын техникумун пресс-сулууспата